2018-04-09 08:51:00

Հայաստանի մէջ կ՛ուսանի 3757 սփիւռքահայ եւ 2491 օտարերկրացի


2017-2018 ուսումնական տարեշրջանին Հայաստանի բարձրագոյն ուսումնական  հաստատութիւններուն (բուհ) մէջ կ՛ուսանի 3757 սփիւռքահայ, որոնցմէ 1847-ը` պետական, 536-ը` ոչ պետական, 1012` միջազգային համալսարաններու, իսկ 362` քոլեճներու մէջ:

Սփիւռքայան ուսանողներէն ամենամեծ թիւը Ռուսիայէն է` 1454, Վրաստանէն` 1209, Սուրիայէն` 536, Իրանէն` 139 եւ այլն:

ՀՀ պետական բուհերու 1847 ուսանողներէն 607-ը կ՛ուսանի Երեւանի Մ. Հերացու անուան պետական բժշկական համալսարանին մէջ, 234-ը` Երեւանի պետական համալսարանին, 203-ը` Ճարտարապետութեան եւ շինարարութեան Հայաստանի ազգային համալսարանին եւ այլն: Նախապատրաստական դասարան կը յաճախէ 82, պսակաւոր արուեստից` 1551, մագիստրոսական` 199, ասպիրանտուրայի` 15 սփիւռքահայ ուսանող, կը յայտնէ կրթութեան նախարարութեան մամուլի ծառայութիւնը:

2017-2018 ուսումնական տարեշրջանին ՀՀ բուհերուն մէջ կ՛ուսանի 2491 օտարերկրեայ ուսանող: Ամենաշատ ուսանողները  Հնդկաստանէն են` 1142 հոգի, Իրանէն` 430, Իրաքէն` 404, Իսրայէլէն` 118 եւ այլն:

Պետական բուհեր կը յաճախէ` 1307, ոչ պետական բուհեր` 963, միջազգային բուհեր` 203 եւ քոլեճներ` 18 օտարերկրեայ ուսանող:








All the contents on this site are copyrighted ©.