Prani vigjilente dhe e urtë, që e mbështet Ipeshkvin e Romës në shërbesën e tij. Papa, sipas traditës, duke u takuar në Sallën Klementine me drejtuesit dhe personelin e Inspektoriatit të Sigurimit Publik pranë Vatikanit, i falënderoi, duke shprehur besimin se mund të mbështetet në bashkëpunimin e tyre të çmuar, në raste të shumta e të ndryshme.
Prani vigjilente
Ju falënderoj për praninë tuaj vigjilente, për asistencën gjatë kremtimeve të riteve liturgjike dhe të manifestimeve të shumta, që organizohen në Bazilikën e Shën Pjetrit dhe në të katër anët e Qytetit të Vatikanit - kujtoi Ati i Shenjtë. - Papa dhe bashkëpunëtorët e tij e dinë se mund të mbështeten mbi bashkëpunimin tuaj gjatë vizitave baritore në famullitë dhe në institucionet civile e kishtare të Romës, ashtu si dhe në rastet e vizitave baritore në Itali.
Mbikqyrje e urtë
Një meritë tjetër e njerëzve të Inspektoriatit, është se sigurojnë një mbikqyrje të urtë dhe të frytshme për mijëra shtegtarët, që vijnë çdo ditë të vizitojnë Varrin e Shën Pjetrit, duke jetuar, kështu, qetësisht, një përvojë të fortë feje. Shërbim, ky, që e thith çdo ditë limfën nga ideale civile e njerëzore, karakteristike për anëtarët e Policisë italiane, por sidomos, nga e vërteta e përhershme e Ungjillit.
Kontribut për misionin e Kishës
Kushtet e veçanta, në të cilat e kryeni misionin tuaj, ju ndihmojnë ta forconi përkushtimin profesional, duke u mbështetur mbi mësimet e Ungjillit. E duke i dëshmuar në veprimtarinë tuaj, vlerat njerëzore e shpirtërore, tipike për krishterimin, ju mund të jepni kontributin tuaj edhe në misionin e Kishës.
Rregull e dialog
Françesku nënvizoi edhe se Vatikani është cak jo vetëm për të krishterët e ardhur nga të katër anët e botës, por edhe për përfaqësues të feve të tjera, udhëheqës shtetesh dhe personalitete kishtare e civile, që vijnë në Romë për t’u takuar me Papën e që, falë edhe punës së Inspektoriatit, thithin frymën e qetësisë e të dialogut,
Edhe në sajë të veprimtarisë suaj, këto takime dialogu e vizita në dëshmitë e kuturës dhe të fesë, që ruhen në Qytetin e Vatikanit, mund të zhvillohen me qetësi e rregull.
Audienca ishte rast për shkëmbimin e urimeve ndërmjet Françeskut e Inspektoriatit me rastin e Pashkëve. Papa ia besoi secilin nga të pranishmit dhe familjet e tyre, mbrojtjes së Marisë:
“Ajo ju mbrojtët e i mirëpritët ndjetet tuaja, duke ia paraqitur Birit të saj e jua ndihmoftë edhe familjet, që kanë aq shumë rëndësi për ju!”.
All the contents on this site are copyrighted ©. |