" അച്ഛന്മാര്‍ക്ക്" പാപ്പായുടെ ആശംസകള്‍
എല്ലാ “അപ്പ”ന്മാര്‍ക്കും പിതാക്കന്മാരുടെ ലോകദിനത്തില്‍ പാപ്പായുടെ ആശംസകള്‍.
അനുവര്‍ഷം അച്ഛന്മാരുടെ ദിനം ആചരിക്കപ്പെടുന്ന വിശുദ്ധ യൗസേപ്പിതാവിന്‍റെ തിരുന്നാള്‍ ദിവസമായ മാര്‍ച്ച് 19 ന് തിങ്കളാഴ്ച (19/03/18) കുറിച്ച ട്വിറ്റര്‍ സന്ദേശത്തിലൂടെയാണ് ഫ്രാന്‍സീസ് പാപ്പാ ആശംസയേകിയിരിക്കുന്നത്.
“പ്രിയമുള്ള അച്ഛന്മാരേ, നിങ്ങളുടെ ഈ ദിനത്തില്‍ നിങ്ങള്‍ക്ക് ആശംസകള്‍. നിങ്ങളുടെ മക്കള്‍ക്ക് നിങ്ങള്‍ വിശുദ്ധ യൗസേപ്പിനെ പോലെ ആയിരിക്കുക: പ്രായത്തിലും ജ്ഞാനത്തിലും കൃപാവരത്തിലുമുള്ള അവരുടെ വളര്‍ച്ചയില്‍ അവരുടെ പരിപാലകരായിരിക്കുക” എന്നാണ് പത്രോസിന്‍റെ പിന്‍ഗാമിയായി താന്‍ സ്ഥാനാരോഹണം ചെയ്തതിന്‍റെ അ‍ഞ്ചാം വാര്‍ഷിക ദിനവുമായിരുന്ന തിങ്കളാഴ്ച ഫ്രാന്‍സീസ് പാപ്പാ തന്‍റെ ട്വിറ്റര്‍ സന്ദേശ ശൃംഖലയില്‍ കണ്ണിചേര്‍ത്ത പുതിയ സന്ദേശം.
വിവധഭാഷകളിലായി 4 കോടിയിലേറെവരുന്ന ട്വിറ്റര്‍ അനുയായികളുള്ള പാപ്പാ കുറിക്കുന്ന ട്വിറ്റര്‍ സന്ദേശങ്ങള്‍ അറബി, ലത്തീന്‍, ജര്‍മ്മന്‍ ഇറ്റാലിയന്‍, ഇംഗ്ളീഷ്, സ്പാനിഷ്, പോളിഷ്, പോര്‍ച്ചുഗീസ്, ഫ്രഞ്ച്, എന്നിങ്ങനെ 9 ഭാഷകളില്‍ ലഭ്യമാണ്.
വത്തിക്കാനില്‍ വിശ്രമ-പ്രാര്‍ത്ഥനാജീവിതം നയിക്കുന്ന ബെനഡിക്ട് പതിനാറാമന്‍ പാപ്പായുടെ നാമഹേതുകതിരുന്നാള്‍ദിനം കൂടിയാണ് മാര്‍ച്ച് 19
| All the contents on this site are copyrighted ©. |