Որոշումներ կայացնողները միշտ կ՛անտեսեն քաղաքական, կրօնական եւ դիւանագիտական խնդիրներու զգայունութիւնը ` փորձելով լուծել Երուսաղէմի քրիստոնէական համայնքին վերաբերող խնդիրները: Այս մասին՝ ըստ «Նիուզ»-ի՝ կը գրէ «Haaretz» թերթի վերլուծաբան Նիր Եասոն:
Եկեղեցւոյ մուտքի մօտ հանդիպած են երեք համայնքներու ղեկավարները` ուղղափառ յոյն պատրիարքը, հայ պատրիարքը եւ Սուրբ Հողի կաթոլիկ պահապանը: Անոնք մաքրած են մուտքը զբօսաշրջիկներէ եւ փակած են ծանր դռները», – կը գրէ ան:
Հեղինակը քրիստոնեայ առաջնորդներուն` Սուրբ Յարութիւն տաճարը փակելու որոշումը, որ կապուած է անոնցմէ քաղաքային հարկ գանձելու քաղաքային իշխանութիւններու որոշման հետ, պատմական իրադարձութիւն կ՛անուանէ:
Անոր խօսքով` եկեղեցիներու ղեկավարներուն գործողութիւնները ցոյց կու տան, որ անոնք տարբեր կողմերէ ճնշումներու, մասնաւորապէս` Իսրայէլի, պաղեստինցի հաւատացեալներու, եկեղեցական կառոյցներու, ուխտագնացներու եւ երաշխաւոր երկիրներու (Յորդանան, Յունաստան, Հայաստան եւ Վատիկան) հետեւանքով անտանելի վիճակի մէջ կը գտնուին:
Նիր Եասոն կը կարծէ, որ եկեղեցւոյ ղեկավարները աւելի շատ մտահոգուած են ոչ թէ քաղաքապետ Նիր Պարկաթի որոշումէն` եկեղեցիներէն քաղաքային հարկի գանձման մասին, այլ Քնեսէթի անդամ Ռախել Ազարիայի կողմէ ներկայացուած օրինագիծէն, որ թոյլ կու տայ հողերու սեփականազրկութիւն, որոնք պատկանած են եկեղեցիներուն եւ վաճառուած են անշարժ գոյքի մասնաւոր ընկերութիւններու:
Հեղինակը հարց կ՛ուղղէ` ինչ կ’ըսէր Իսրայէլ, եթէ այլ երկրի մէջ սինագոգներու ունեցուածքի վերաբերեալ նման քայլի դիմէին: Եթէ օրէնքը ընդունուի, ով կը ցանկայ եկեղեցիներու հետ գործ ընել, իմանալով, որ այն հողը, որ ան կը գնէ, վաղը կրնայ սեփակազարկուիլ:
«Իւրաքանչիւր ոք, ով գործ ունի այս օրէնքին հետ, ներառեալ զայն ստեղծողները, շատ լաւ գիտեն, որ իր ներկայիս ձեւով անիկա Քնեսէթի մէջ անցնելու հնարաւորութիւն չունի: Անիկա այնքան սահմանադրական սկզբունքներ կը խախտէ, որ հեշտութեամբ կրնայ անվաւեր համարուիլ Գերագոյն դատարանին մէջ: Օրէնքը կոչուած է կառուցապատողներու եւ պորսայի խաղցողներու համար սպառնալիք դառնալ, ուստի անոնք գործարքները պիտի կնքեն կառավարութեան հետ: Միեւնոյն ժամանակ, հարցը այն է, արդեօք Իսրայէլ այսպէ՞ս կը ցանկայ շփուիլ քրիստոնէական աշխարհի հետ», -կը գրէ հեղինակը:
All the contents on this site are copyrighted ©. |