(Ռատիօ Վատիկան) Ուրբաթ, 2 փետրուար 2018-ին, Սուրբ Աթոռի մամլոյ գրասենեակի տնօրէն՝ տիար Կրեկ Պուրք հրապարակեց հաղորդագրութիւն մը տեղեկացնելով թէ յառաջիկայ 20 ապրիլ 2018-ին ֆրանչիսկոս Պապ հովուական այցելութիւն պիտի կատարէ Իտալիոյ Լեչչէ մարզի Ալեէսսանօ քաղաքի «Ուճենթօ-Սանթա Մարիա տի Լէուքա» թեմին ինչպէս նաեւ Պարիի մարզի Մոլֆեթթա թեմին ՝ Գերապայծառ Թոնինօ Պելլոի մահուան 25-րդ ամեակի առթիւ:
Կրէկ Պուրք յայտնեց նաեւ թէ Ֆրանչիսկոս Պապ 10 մայիս 2018-ին պիտի այցելէ Կրոսսեթօ թեմին՝ Նոմատելֆիա քաղաքը ուր հանդիպում պիտի ունենայ Հայր Զենօ Սալթինիի հիմնած հասարակութեան հետ: Նոյն օրը՝ ֆրանչիսկոս Պապ պիտի այցելէ նաեւ Լոփփիանօ քաղաքի Ֆիէզոլէ թեմը՝ ուր պիտի այցելէ Ֆոքոլարինի շարժումի միջազգային կեդրոնը։
All the contents on this site are copyrighted ©. |