Հայաստանի քաղաքացիները առանց վիզայի կրնան 59 երկիր այցելել

Հայաստան երկու տեղով բարելաւած է իր դիրքերը Henley & Partners-ի անձնագիրներու ամենամեայ վարկանիշին մէջ եւ այժմ 76-րդ տեղը կը գրաւէ: Կը նշուի, որ երկրի քաղաքացիները առանց անցագիրի (visa) կրնան 59 երկիր այցելել: Անցեալ տարի Հայաստանը 78-րդ տեղը կը գրաւէր:

Վրաստանը 53-րդն է` 99 երկիր առանց վիզայի այցելելու հնարաւորութեամբ: Անցեալ տարուան ցուցակին մէջ Վրաստան 68-րդն էր:

Վերջին հինգ տարուան ընթացքին այս վարկանիշով առաջին տեղ կը գրաւէ գերմանական անձնագիրը` առանց վիզայի 177 երկիր այցելելու հնարաւորութեամբ: Երկրորդը Սինկափուրը` 175 երկիր: Ռուսիան 48-րդն է, Թուրքիան` 50-րդ, Ատրպէյճանը` 72-րդ:

Ցուցակին վերջին տեղը կը գրաւէ Աֆղանիստանը` առանց վիզայի 24 երկիր մեկնելու հնարաւորութեամբ: