2017-12-29 09:20:00

Գոյատեւելու համար Հայաստանի իւրաքանչիւր բնակիչի անհրաժեշտ է ամսական 251 տոլար


Հայաստանի պաշտօնական վիճակագրութիւնը 2016-ի համար աղքատութեան վերին գիծ սահմանած է 40,867 դրամը: Այսինքն՝ աղքատ համարուած են այն անձերը, որոնք ամսական 40,867 դրամէն քիչ կը սպառեն: Շատ աղքատ կը համարուին այն անձերը, որոնց ամսական սպառումը 33,418 դրամէն քիչ է: Իսկ ծայրայեղ աղքատները անոնք են, որոնք 23,313 դրամէն ալ պակաս կը ծախսեն (այս մէկը պարէնային աղքատութեան գիծն է), կը հաղորդէ «168 ժամ»-ը.:

Պաշտօնական վիճակագրութիւնը, այս չափանիշները հիմք վերցնելով՝ կը յայտարարէ, որ բնակչութեան 19.6 տոկոսը աղքատ է, 8 տոկոսը՝ շատ աղքատ, 1.8 տոկոսը՝ ծայրայեղ աղքատ:  Ըստ Հայաստանի մէջ իրականացուած հարցախոյզի մը՝ 2016-ին 1 անձի հաշիւով՝ գոյատեւելու համար անհրաժեշտ է ամսական 120,523 դրամ կամ 251 տոլար, լաւ ապրելու համար՝ ամսական 347,234 դրամ կամ 723 տոլար, շատ լաւ ապրելու համար՝ ամսական 655,060 դրամ կամ 1363 տոլար:

 








All the contents on this site are copyrighted ©.