കേരളത്തനിമയുള്ളൊരു ക്രിസ്തുമസ്ഗീതം

ആലാപനം ശങ്കരന്‍ നമ്പൂതിരി
രചന ജോര്‍ജ്ജ് ജോസഫ് ചെന്നൈ
സംഗീതം ജെറി അമല്‍ദേവ്

പരിപാവനമേരി തന്‍റെ 

പരിപാവന മേരി തന്‍റെ അരുമപ്പൂം പൈതലായി
പാരില്‍വന്നു ദേവനിന്നു പാതിരാവില്‍
ഇടയന്മാരന്നൊരു രാവില്‍ സുരനാദം കേള്‍ക്കുകയായി
ദേവസൂനു ജാതനായി ബേതലേഹമില്‍ - പരിപാവന...

        താളമേള ഗാനനിറവില്‍ ദൂതസേന വാനില്‍ വരവായ്
        പാരിലെങ്ങുമെന്തു മോദം ശീതരാവിതില്‍ (2)
        ഈണമോടെ പാടീടാം സ്തോത്രഗീതമീ രാവില്‍ (2)
        രാരീരഗീതികള്‍ ശിശുവിനു പാടിയാടാം. - പരിപാവന...

ദിവ്യതാര ശോഭ വാനില്‍ കണ്ടുമൂന്നു രാജരുടനെ
യാത്രയായി ഗോശാലേ രാജവീഥിയില്‍ (2)
പൊന്നുമൂരു കുന്തുരുക്കം തൃപ്പദാരവിന്ദചാരെ (2)
രാജാധിരാജനു തിരുമുല്‍ക്കാഴ്ചയേകി.  - പരിപാവന...

‘മനോരമ മ്യൂസിക്കി’ന്‍റെ “ദേവന്‍ ജാതനായ്…”  എന്ന ശേഖരത്തില്‍നിന്നും