Po vjen Zoti me dhuratën e Dashurisë!
Ç’ gëzim bashkë të rrimë me ata që duam,
ta dimë që janë pranë nesh,
t’u shikojmë buzëqeshjen,
t’u dëgjojmë zërin
që na ngushëllon, na siguron e na jep guxim.
Ç’ lumturi
t’i prekim e t’i përqafojmë!
dhurata më e bukur
që personat e dashur mund të na bëjnë
është të jenë të pranishëm mes nesh.
Kur janë pranë nesh,
edhe nata duket më pak e errët
e nuk kemi më frikë.
Ata që duam janë me ne
e për ta jemi gati
të bëjmë mrekullira.
Zoti po vjen në shtëpinë tonë
për të ndenjur me ne.
I afrohet gjithkujt:
oh, ja Dhurata!
All the contents on this site are copyrighted ©. |