Լա Հէյի միջազգային դատարանին մէջ նախկին Եուկոսլաւիոյ հարցով դատական նիստի ընթացքին խրուաթ զօրավար Սլոպոտան Փրալիաք վերաքննիչ ատեանի վճիռին ընթերցումէն ետք թոյն խմած է:
«Մետուզա» կայքը կը հաղորդէ, որ երէկ Լա Հէյի մէջ քննուած է Փրալիաքի եւ 5 այլ պոսնիացի խրուաթներու ներկայացուցած բողոքարկումը, որով կը վիճարկուէր զինուորական յանցագործութիւններու համար 2013-ին արձակուած վճիռը: Յայտնի է, որ 4 տարի առաջ դատարանը Փրալիաքը դատապարտած էր 20 տարուան բանտարկութեան:
Կը նշուի, որ Փրալիաք թոյն խմած է վճռաբեկ ատեանին կողմէ վճիռին վերահաստատումէն ետք: Միջադէպին պատճառով դատական նիստը դադրեցուած է:
Անոր փաստաբանին համաձայն, դատապարտեալը սրուակով թոյնը խմած է ելոյթ ունենալու ընթացքին:
All the contents on this site are copyrighted ©. |