Festa kombëtare, që kremtohet çdo vit kudo jetojnë e punojnë shqiptarët, dmth në të katër anët e botës, edhe sivjet pritet me emocione të veçanta, duke i nxitur të gjithë të reflektojnë për lidhjen e tyre të pandashme me fatet e Atdheut. Në këtë simfoni kulturore dhe fetare radhitet edhe një veprimtari e re: një grup artistësh shqiptarë, i organizuar në bashkëpunim me shoqatën Besa, do të japë një Koncert festiv me këngë tradicionale. Do të mund të ndiqet në Kishën “San Giovanni della Malva”(Piazza San Giovanni della Malva, Trastevere, Roma), që tashmë njihet si Kisha e Shqiptarëve, ditën e diel, më 26 nëntor - ora 17.00. Marrin pjesë Ana Lushi (Soprano) Hersi Matmuja (Soprano) Irida Dragoti (Mezzosprano) Oliver Gruda (Pianoforte)
Më poshtë, disa nga këngët tradicionale, në program:
Kenke nur i bukurisë
Për mue paska kenun kismet
Mbeta gjith’ diten hijeve
Turtulleshë
Kroi fshatit tonë
Po ti ç’a i ke thanë dikujt
Kur më vjen burri nga stani
Margjelo
Moj e bukura More
Pranvera filloi me ardhë
Kaçurelat
Si dukati vogël je
Bishtalecat palë e palë
Kur më del në derë
Kur më rrin karshi karshi
Lule bore etj
Mesha në gjuhën shqipe
Para koncertit, do të kremtohet Mesha në gjuhën shqipe, kushtuar dëshirave e ëndrrave të të gjithë shqiptarëve për të ardhmen, pa e harruar edhe të kaluarën. Urojmë që kjo nismë të vijojë edhe në vitet e ardhshme e të shprehë, përmes kremtimit të Meshës dhe artit, dëshirën për paqe e harmoni ndërmjet popujve.
Dy fjalë për Kishën e Shën Gjonit të Malvës
E ndërtuar në sheshin me të njëjtin emër, kisha e Shën Gjonit të Malvës në Trastevere, është një thesar i vogël arti në qendrën më të lashtë të Romës. Ati i Shenjtë Gjon Pali II ia besoi, që nga 1 gushti 2004, bashkësisë së shqiptarëve katolikë në Itali, që ta përdorin si qendrën e tyre të lutjes. Nisi kështu, të përfaqësojë bashkimin shpirtëror ndërmjet Kishës italiane e asaj shqiptare.
All the contents on this site are copyrighted ©. |