Աղքատներու համաշխարհային օր՝ Ֆրանչիսկոս Պապին թուիթը։

(Ռատիօ Վատիկան) Կիրակի՝ 19 նոյեմբեր 2017-ին կը նշուի, Ֆրանչիսկոս Պապին կողմէ հաստատուած, աղքատներու համաշխարհային առաջին օրը։ Նորին Սրբութիւնը, Քահանայապետական թուիթրըրեան կայքի վրայ  հրապարակեց նոր թուիթ մը որուն մէջ հրաւէր ուղղեց Եկեղեցւոյ՝ համապատասխանելու բոլոր անոնց  որոնք իրենց ձեռքերը երկարելով մեր զօրակցութիւնը կը հայցեն։

«Այս օրուան առթիւ կը հրաւիրեմ համայն Եկեղեցին հայեացքը ուղիղ սեւեռելու անոնց վրայ որոնք իրեն ձեռքերը երկարած կարիքն ունին մեր զօրակցութեան» գրեց Ֆրանչիսկոս Պապ։