(Ռատիօ Վատիկան) Երեքշաբթի 7 նոյեմբեր 2017-ի առաւօտեան 11-ին, Ֆրանչիսկոս Սրբազան Քահանայապետը Վատիկանի Պօղոս Զ անուան իր յատուկ գրասենեակին մէջ ընդունեց Ալ Ազհար համալսարանի Աւագ Ւմամ՝ Ահմատ Մուհամմատ Ալ Թայիպը ու անոր ընկերացող պատուիրակութիւնը։
Այս երրորդ անգամն է որ Ֆրաչիսկոս Սրբազան Քահանայապետը եւ Սիւննի իսլամներու կրօնապետը առիթ կ՛ունենան իրարու հանդիպելու եւ զրուցելու։ Առաջին հանդիպումը տեղի ունեցած էր 23 մայիս 2016-ին Վատիկանի մէջ մինչ երկրորդ հանդիպումը՝ Գահիրէի մէջ,այս տարուայ ապրիլ 28-ին, երբ Ֆրանչիսկոս Սրբազան Քահանայապետը այցելեց երկիրը ու իր մասնակցութիւնը բերաւ Ալ Ազհար համալսարանի նախաձեռնութեամբ կազմակերպուած խաղաղութեան վեհաժողովին։
Հանդիպումներու ընթացքին երկու կրօնապետերը առիթ ունեցան փոխադարձ յանձնառութիւն ցուցաբերելու՝ ի նպաստ խաղաղութեան ու ծայրայեղականութեան դէմ։
All the contents on this site are copyrighted ©. |