Այժմեան Թուրքիոյ տարածքին գտնուող Տերսիմ (թրքական պաշտօնական անուանումը` Թունջելի – Tert.am) նահանգի Հոզաթ շրջանի Էրգան գիւղին մէջ գտնուող հայկական եկեղեցին, որ յայտնի է որպէս Էրգանի եկեղեցի, ամբողջական աւերման եզրին յայտնուած է:
Ինչպէս կը փոխանցէ Թերթ․amը՝ վկայակոչելով Yeniozgurpolitika.org կայքին, վերակառուցման
կարիք ունեցող եկեղեցին պետութեան կողմէ պահպանութեան տակ առնուելու որոշումէն ետք նոյնիսկ
որեւէ կերպով չէ նորոգուած:
Բացի այդ` Էրգանի եկեղեցին պարբերաբար կ՛ենթարկուի բնակիչներու` քիւրտ եւ զազա ալեւի
գանձագողերու յարձակումներուն:
Կը նշուի, որ եկեղեցին կառուցուած է 975-ին, պատերուն ներսի կողմը դեռ պահպանուած են հայատառ որոշ արձանագրութիւններ:
էրգանի եկեղեցին կը համարուի Տերսիմի ամենամեծ ու հին հայկական եկեղեցիներէն մէկը. Կը պատմուի, որ 1915-իէն ի վեր անիկա չէ գործած. Ցեղասպանութեան ժամանակ եկեղեցւոյ վերջին քահանան սպաննուած է այստեղ:
էրգան գիւղը նաեւ կը յիշատակուի Տերսիմի 1937-38 թուականներու կոտորածներու ժամանակ. Կը պատմուի, որ այստեղ սպաննուած է գիւղի 200 բնակիչ, որոնց զանգուածային գերեզմանը կը գտնու գիւղին մէջ:
Յայտնի է, որ պատմական Տերսիմի տարածքին կան 132 եկեղեցիներ ու 4 վանքեր, որոնց մեծ մասը աւերակի վերածուած է:
All the contents on this site are copyrighted ©. |