10-vjetori i kushtimit të katedrales së Shën Kollit në Lezhë

Kremtohet nesër përvjetori i dhjetë i kushtimit të katedrales së Shën Kollit në Lezhë. Bashkësia katolike është përgatitur për këtë me tri ditë lutje dhe adhurimin e të Shenjtnueshmit Sakrament. E 10-vjetori i rindërtimit të katedrales pas komunizmit, na kujton se kisha ku u varros Heroi Kombëtar, Gjergj Kastrioti – Skënderbeu, është shumë më e lashtë, siç shpjegon në mikrofonin tonë, ipeshkvi i Lezhës, imzot Ottavio Vitale. Ai do të kryesojë nesër, në orën 10.00, meshën e përkujtimit, së bashku me ipeshkvij të tjerë shqiptarë. Ta dëgjojmë  imzot Ottavio Vitale…