Ֆրանչիսկոս Պապ հասաւ Պոկոթա։ Երիտասարդներ թոյլ մի տաք որ ձեզմէ խլեն յոյսը։

(Ռատիօ Վատիկան) Չորեքշաբթի 6 սեպտեմբեր 2017-ի երեկոյեան 16,00-ին (Իտալիոյ ժամով 23,00-ին), նախատեսուած ժամէն քիչ մը առաջ Ֆրանչիսկոս Սրբազան Քահանայապետն ու անոր ընկերացող պատուիրակութիւնը փոխադրող օդանաւը վայրէջք կատարեց Պոկոթայի ''ՔԱԹԱՄ'' օդակայան ուր Սրբազան Քահանայապետը դիմաւորուեցաւ Երկրին Նախագահին ու անոր ընկերացող քաղաքական ու եկեղեցական բարձրաստիճան շքախումբի կողմէ, ապա անմիջապէս հանդիպում ունեցաւ Երկիրը յուզող պատերազմի թիրախ մի քանի երիտասարդներուն հետ որոնցմէ առաջինը եղաւ փոքրիկն Էմանուէլը` Քլարա Ռայոս անունով տիկինի մը զաւակը, որ այս երեսփոխան է եւ որ 2002-ին առեւանգուած էր Քոլոմպիայի Յեղափոխական ''ՖԱՐՔ'' զինեալ խումբին կողմէ, ուր ծնած էր նաեւ Մանուելը։

Օդակայանին մէջ տեղի ունեցաւ ապա բարի գալուստի պաշտօնական արարողութիւնը հազարէ աւելի հաւատացեալներու ներկայութեամբ որուն աւարտին Սրբազան Պապը, ընկերակցութեամբ Պոկոթայի Արքեպիսկոպոս Կարդինալ Ռուպէն Սալազար Կոմեսի, Քահանայապետական բացօթեայ ինքնաշարժով  ուղղուեցաւ Պոկոթայի Առաքելական Պալատ, ուր զինք դիմաւորեցին` բացի ճամբաներու եզերքը գտնուող հազարաւոր հաւատացեալներուն, խումբ մը երիտասարդներ որոնց Նորին Սրբութիւնը յորդորեց երբեք չի կորսնցնել ժպիտն ու ուրախութիւնը ու թոյլ չի տալ ''որ ոչ մէկը ձեզ խափէ ու ձեզմէ խլէ յոյսը'' ըսաւ Ֆրանչիսկոս Սրբազան Քահանայապետը։