Ռուսիոյ նախագահ Վլատիմիր Փութին շնորհաւորական ուղերձ մը յղած է Հայաստանի նախագահ Սերժ Սարգսեանին երկու երկիրներուն միջեւ Բարեկամութեան, համագործակցութեան եւ փոխադարձ օգնութեան մասին համաձայնագիրի կնքման 20-ամեակին առիթով: Այս մասին կը յայտնէ Քրեմլինի մամլոյ ծառայութիւնը:
Ուղերձին մէջ նշուած է, որ փաստաթուղթին ստորագրութիւնը քաղաքական երկխօսութեան ընդլայնման պայմաններ ստեղծած է առեւտրական, տնտեսական, արհեստագիտական, մարդասիրական եւ այլ մարզերու մէջ երկկողմանի համագործակցութեան որակեալ աճի համար:
Նախագահ Փութին բարձր գնահատած է ռուս-հայկական յարաբերութիւններու զարգացումը:
«Մոսկուան եւ Երեւանը արդիւնաւէտ ձեւով կը համագործակցին եւրասիական համարկումի հոլովոյթներուն շրջագիծին մէջ, կը համակարգեն ջանքերը` շրջանային անվտանգութեան եւ կայունութեան հասնելու նպատակով», նշուած է ուղերձին մէջ:
All the contents on this site are copyrighted ©. |