Ֆրանչիսկոս Պապին Քոլոմպիա առաքելական ճամբորդութեան պաշտօնական քայլերգը։

«Ռատիօ Վատիկան» ՝՝Առաջին քայլը կատարենք՝՝, այս է Ֆրանչիսկոս Սրբազան Քահանայապետին յառաջիկայ սեպտեմբերի սկիզբը Քոլոմպիա կատարելիք առաքելական ճամբորդութեան բնաբանը, որ է նաեւ ճամբորդութեան պաշտօնական քայլերգի տիտղոսը, որուն ներկայացումը կատարուեցաւ անցեալ 19 ու 20 օգոստոսին Քոլոմպիայի Եպիսկոպոսական համահաւաք դասին կողմէ։

Քայլերգը ընտրուած է Քոլոմպիայի եպիսկոպոսական համահաւաք դասին կազմակերպած  "Cántale al Papa" մրցումի մասնակցող 465 քայլերգերու ընդմէջէն։ Քայլերգը կը ներկայացնեն 70 անդամէ բաղկացած նուագախումբ մը, որուն մաս կը կազմեն աշխարհականներ եւ կղերականներ։