“Thellësisht të tmerruar nga dhjetra të vdekurit e të plagosurit, viktima të atentatit të tmerrshëm të së enjtes, 17 gusht, në qytetin e Barcelonës, ipeshkvijtë e Katalonjës, bashkësi autonome spanjolle, kryeqendër e së cilës është pikërisht Barcelona, “e dënojnë atentatin mizor si dhe përbuzjen që shpreh për jetën njerëzore e dinjitetin e çdo njeriu. S’ka kauzë në këtë botë, që mund ta përligjë dhunën e vdekjen e askujt!”- theksojnë.
Ipeshkjvijtë ia besojnë të vdekurit mëshirës së Zotit e luten për të plagosurit, familjarët e miqtë e të gjithë atyre, që u prekën nga kjo mizori e re. Shprehin, gjithashtu, solidaritetin dhe dhimbjen “për këtë tragjedi, që goditi kështu një qytet si Barcelona, përherë i impenjuar për çështjen e paqes e të drejtësisë”.
All the contents on this site are copyrighted ©. |