Papa Françesku: qetësi e paqe viktimave të fatkeqësive të natyrës, tensioneve, luftërave

“Marisë, Mbretëreshës së paqes, që e kundrojmë sot në lumni të Parajsës, dëshiroj t’ia besoj edhe një herë ankthet e dhimbjet e popullsive që, në të katër anët e botës, vuajnë nga fatkeqësi natyrore, nga tensione shoqërore, nga konflikte”.

Janë fjalët e shqiptuara nga Papa në përfundim të Engjëllit të Tënzot, në solemnitetin e sotëm të të Ngjiturit të Zojës në Qiell, pasuar nga lutja:

“Na e nxjerrtë Nëna jonë qiellore hirin e ngushëllimit dhe ardhmërinë  e paqes e të harmonisë”.