Ֆիլիփինեան կղզիներու մէջ մարդավաճառութեան դէմ պայքարելու նոր ծրագիր

«Ռատիօ Վատիկան»  Ֆիլիփինեան կղզիներու եպիսկոպոսաց համահաւաք դասը ձեռնարկած է նոր ծրագիր մը հակազդելու համար մարդավաճառութեան երեւոյթին։ Ձեռնարկը ներկայացուած է յատուկ արարողութեամբ մր, որուն բացումը կատարած է Ֆիլիփինի եպիսկոպոսաց համահաւաք դասի գաղթականներու եւ թափառաշրջիկներու յանձնախումբի նախագահ ՝ Ռուփերթօ Քրուզ Սանդոզ։

Յիշեալ ծրագիրին նպատակն է  պայքարիլ  մարդու արժանապատուութեան ի խնդիր, բոլոր այն անձերուն հետ որոնց թիրախ դարձան սոյն տմարդկային աղէտին։  

Ծրագիրը  արդիւնքն է Ֆիլիփինեան  կղզիներու  եպիսկոպոսաց համահաւաք դասի զանազան բաժանմունքներու յանձնախումբերուն՝ երիտասարդաց , կիներու , ընկերային , արդարութեան եւ խաղաղութեան։ 

Մարդավաճառութեան աղէտին դէմ  պայքարելու   ծրագիրը,  իր յատուկ գրասենեակներով պիտի գործադրուի   Ֆիլիփինեան  կղզիներու իւրաքանչիւր թեմերէն ներս, վերջ դնելու համար սոյն բացասական հոսանքին։