Ֆրանչիսկոս Պապին 30 յուլիսի թուիթը. ''յանձնառու ըլլանք նորաձեւ ստրկութեան դէմ''։

(Ռատիօ Վատիկան) 30 յուլիս 2017-ին, մարդավաճառութեան դէմ ՄԱԿ-ի կողմէն հռչակուած միջազգային օրուան առթիւ, Ֆրանչիսկոս Սրբազան Քահանայապետը հրապարակեց թուիթ մը որուն մէջ կոչ ուղղեց բոլոր բարի կամք ունեցող մարդոց յանձնառու ըլլալ ժամանակակից ստրկութեան դէմ։

''Կոչ կ՛ուղղենք բոլոր հաւատացեալ ու բարի կամք ունեցող մարդոց յանձնառու ըլլալու  ժամանակակից ստրկութեան դէմ անոր բոլոր դրսեւորումներով'' գրեց Ֆրանչիսկոս Պապ։