«Ռատիօ Վատիկան» Փաքիստանի եպիսկոպոսաց համահաւաք դասին արդարութեան ու խաղաղութեան յանձնախումբը խստիւ դատապարտած է անցեալ 24 յուլիսին, թալեպաններու կողմէ Լահորին մէջ կատարուած ահաբեկչական գործողութիւնը, որ պատճառած է 26 մեռեալներ, որոնց շարքին 9 ոստիկաններ։
Փաքիստանի եպիսկոպոսաց համահաւաք դասի վերոնշեալ յանձնախումբին նախագահը, հրապարակարած է հաղորդագրութիւն մը, որուն մէջ անընդունելի նկատած է անմեղներու եւ ապահովական մարմնի ոստիկաններուն սպանութիւնը, դիտել տալով, որ ահաբեկչական արարք կատարողը, 16-էն 18 տարիք ունեցող երիտասարդ մըն է, եւ թէ պատահածը նման է Փաքիստանի այլ վայրերու մէջ տեղի ունեցող ահաբեկաչական գործողութիւններուն։
Փաքիստանի եպիսկոպոսաց դասի յանձնախումբը հրաւէր ուղղած է երկրին իշխանութիւններուն, խոկալու ահաբեկչական խմբաւորումներու այն երեւոյթի մասին, ուր երիտասարդներ կը շահագործեն երկիրը կործանելու համար։ Ապա ընդգծած է ուժերու միացումին կարեւորութիւնը, հակառակ՝ քաղաքական, կրօնային, մշակութային տարբերութիւններուն, «փրկելու համար մանուկները սոյն սատանայական արարքներէն», նշուած է Փաքիստանի Եպիսկոպոսաց համահաւաք դասին հրպարակած հաղորդագրութեան մէջ ։
All the contents on this site are copyrighted ©. |