Ականուած ռումբ մը պայթած է Մեքսիքոյի եպիսկոպոսաց համահաւաք դասի կեդրոնի մուտքին։
«Ռատիօ Վատիկան» 24-էն -25 յուլիս լուսցնող գիշերուայ ընթացքին, Մեքսիքոյի եպիկսոպոսաց համահաւաք դասի կեդրոնի մուտքին, պայթած է ականուած ռումբ մը, առանց պատճառելու մարդկային եւ նիւթական վնասներ։ Այս մասին յայտնած է Մեքսիքոյի եպիսկոպոսաց համահաւաք դասի բանբեր՝ գերապայծառ Ալֆոնսօ Կուարտիոլա հրապարակելով հաղորդագրութիւն մը, որուն մէջ բարձր գնահատած է եպիսկոպոսներուն, քահանաներուն, հաւատացեալներուն եւ շատ մը անձնաւորութիւններուն ցուցաբերած մօտիկութեան ժեսթը։
Գերապայծառը շնորհակալութիւն յայտնած է նաեւ երկրին իշխանութիւններուն, համագործակիցներուն, պայթումի յանցագործները բացայայտելու անոնց յանձնառումին համար։
Հաղորդագրութեան աւարտին Գերապայծառ Միլանտա, յանուն Մեքսիքոյի եպիսկոպոսաց համահաւաք դասին հրաւէր ուղղած է հաւատացեալներուն հանդարտ եւ խոհեմ գտնուելու ինչպէս նաեւ յարգելու մարդկային կեանքն ու անոր կապուած բոլոր հաստատութիւնները։
Ան ապա նշած է թէ ականուած ռումբի տխուր արարքը, հրաւէր մըն է լրջօրէն մտածելու ընկերային խաւին վերականգնումի մասին, նպաստելու համար համայն քաղաքացիներու ապահով միջավայրի կառուցման։
| All the contents on this site are copyrighted ©. |