Իր հոգին աւանդեց առ Հայր Մխիթարեան միաբան Հայր Դաւիթ վրդ. Ղազարեանը։

Անցեալ 19 Յուլիս 2017-ին իր հոգին աւանդեց առ Հայր Հոգշն. Հ. Դաւիթ վրդ. Ղազարեանը։ Հայր Դաւիթ ծնած էր 1960-ի փետրուար 3-ին Պէյրութի մէջ։ Մխիթարեան վանք մուտք գործած է 1975-ի նոյեմբեր 13-ին ու միաբանական ժամանակաւոր ուխտերը կատարած է 15 օգոստոս 1981-ին, մինչ մշտնջենաւոր ուխտերը կատարեց 15 օգոստոս 1984-ին։ Քահանայ ձեռնադրուած էտ 19 ապրիլ 1987-ին։

Հայր Դաւիթ ծառայած է հետեւեալ պաշտօններով.

1988-90թթ. Հ. Դաւիթը եղած է Սուրբ Ղազարի Ընծայարանի օգնական:

1990-92թթ.՝ Լիբանանի Ընծայարանի օգնական:

1992-97թթ.՝ Հռոմի Ընծայարանի մեծաւոր:

1997-2000թթ. եղած է Սուրբ Ղազարի մայրավանք:

2001-2006թթ. Հ. Դաւիթը վարած  է Լոս Անջելեսի Մխիթարեան Վարժարանի օգնականի ապա պատասխանատուի պաշտօնները:

2006թ.՝ ընդհանուր Առաջիկայ և Ընդհանուր Քարտուղար:

2009-2012թթ.՝ Լոս Անջելեսի Վարժարանի պատասխանատու

2013-15թթ.՝ Սուրբ Ղազարի ընծայարանի պատասխանատու:

2015-2017թթ.՝ Լոս Անջելեսի Վարժարանի պատասխանատու:

Ռատիովատիկանի հայկական բաժնի խմբագրական կազմը կը միանայ Հայր Դաւիթի մահը գուժող բոլոր հաւատացեալներուն ու անոր սիրելիներուն հայցելով Բազումողորմ Աստուծմէ որ հանգուցեալին հոգին ընդունի արդարներու շարքին։

Յիշատակն արդարոց օրհնութեամբ եղիցի