Քահանայապետն ու նոր կարդինալները այցելութիւն կու տան Պենետիկտոս ԺԶ-ին։
(Ռատիօ Վատիկան) Սուրբ Աթոռի մամլոյ գրասենեակը հրապարակեց հաղորդագրութիւն մը որուն մէջ նշեց թէ` չորեքշաբթի 28 յունիս 2017-ին, կարդինալական ընդհանուր ժողովի աւարտին, Սրբազան Քահանայապետը եւ նոր նշանակուած կարդինալները այցելութիւն պիտի տան ''Մաթեր Էքլեզիա'' վանք, հանդիպում ունենալու համար Պենտեիկտոս ԺԶ վաստակաւոր Քահանայապետին հետ։
''Հանդիպումէն ետք նոր նշանակուած կարդինալները շնորհաւորութիւնները պիտի ընդունին Պօղոս Զ անուան սրահին մէջ'' նշուած է միշտ Սուրբ Աթոռի մամլոյ գրասենեակի հրապարակած վերոնշեալ հաղորդագրութեան մէջ։
| All the contents on this site are copyrighted ©. |