(Ռատիօ Վատիկան) Կիրակի 18 յունիս 2017-ի կէսօրին իր գրասենեակի պատուհանէն արտասանած մարեմեան աղօթքի աւարտին, Ֆրանչիսկոս Պապ ողջունելով հրապարակը համախմբուած հաւատացեալները յիշեց թէ միւս օր (20 յունիսին) կը նշուի ՄԱԿ-էն հաստատուած ''փախստականներու միջազգային օրը'' որուն այս տարուայ բնաբանն է ''Փախստականներուն հետ''։
''Այսօր աւելի քան երբեք պէտք ենք փախստականներու կողքին կանգնիլ'' ըսաւ Քահանայապետը հրաւիրելով ուշադիր ըլլալ կիներուն, մարդոց ու մանուկներուն որոնք փախուստ կու տան պատերազմներէն, բռնութիւններէն ու հալածանքներէն ինչպէս նաեւ աղօթել բոլոր անոնց համար որոնք իրենց կեանքը կորսնցուցին մինչ կը ձգտէին աւելի լաւ կեանքի։
Անոնց տառապանքի եւ յոյսի պատմութիւնները կարող են դառնալ հանդիպումի հնարաւորութիւն, որուն միջոցաւ վախը կարող է անհետանալ ու կարող ենք աճիլ մարդկայնականութեամբ ու առիթ ստեղծել բացուածքի զգացումներու ու կամուրջներու կառուցման - ըսաւ Սրբազան Քահանայապետը։
All the contents on this site are copyrighted ©. |