Atë Zef Bisha merr kushtet solemne në Tiranë

Sot, në kishën e Zemrës së Krishtit, në Tiranë, mori kushtet e përjetshme, apo kushtet solemne, atë Zef Bisha, i vetmi jezuit shqiptar, i shuguruar pas komunizmit në Shqipëri. Mesha u kremtua në orën 11.00 dhe u kryesua nga kryeipeshkvi i Tiranë-Durrësit, imzot George Frendo. Atë Zef Bisha i mori kushtet së bashku me sivëllain e vet, atë Stefano Corticelli, në duart e eprorit provincial të Italisë, atë Gianfranco Matarazzo. Kujtojmë se provinca shqiptare e jezuitëve është pjesë e një province të përbashkët me atë italiane.