ԵՐԵՒԱՆ.- 2017ի Յունուար-Ապրիլ ամիսներուն, Հայաստանէն արտածումը կազմած է 608.4 միլիոն տոլար՝ 16.1 տոկոսով գերազանցելով 2016-ի առաջին 4 ամսուան ցուցանիշը:
Ազգային վիճակագրական ծառայութիւնը կը յայտնէ, թէ ներածումը նոյն ժամանակահատուածին մէջ կազմած է 1.08 միլիառ տոլար՝ 2016ի առաջին 4 ամսուան հետ համեմատած աւելնալով 14.6 տոկոսով:
Ապրիլին արտածումը աճած էր 16.4 տոկոսով՝ կազմելով շուրջ 165.3 միլիոն տոլար: Ներմուծումը աճած է 2.6 տոկոսով՝ կազմելով շուրջ 276.9 միլիոն տոլար:
Ընդհանուր առմամբ, Յունուար-Ապրիլին Հայաստանի արտաքին ապրանքաշրջանառութիւնը կազմած է շուրջ 1.689 միլիառ տոլար՝ 2016ի առաջին եռամսեակին հետ համեմատած աճելով 15.1 տոկոսով:
All the contents on this site are copyrighted ©. |