Վենեզուելա. Ութը Լատինամերիկեան երկիրներ կ՛աջակցին Ֆրանչիսկոս Պապին կոչին։
(Ռատիօ Վատիկան) Լատին Ամերիկեան ութը երկիրներ` ստորագրեցին միասնական կոչ մը որուն մէջ իրենց աջակցութիւնը բացայայտեցին Ֆրանչիսկոս Պապին, անցեալ կիրակի 30 ապրիլ 2017-ին, Մարեմեան Աղօթքի ընթացքին ներկայացուցած առաջարկին` '' բանակցային լուծում'' որոնելու Վենեզուելլայի քաղաքական տագնապին։ Այդ երկիրներն են Արժանթինը, Պրազիլը, Չլիէն, Քոսթա Ռիքան, Փերուն, Փարակուէյը եւ Ուրուկուէյը։
''Համաձայն ենք Ֆրանչիսկոս Պապին հետ թէ հարկաւոր է չխնայել որեւէ մի ջանք Վենեզուելլայի համար'' կը կարդանք վերոնշեալ ութը երկիրներու ստորագրած կոչին մէջ, որուն մէջ ընդգծուած են նաեւ Քաղաքական երկխօսութիւնը հաստատելու պայմանները. ''Բռնութիւններու դադարեցում, օրինական պետականութեան լիարժէք վերականգնում, քաղաքական բանտարկեալներու ազատ արձակում, Ազգային Ժողովին իրաւասութեան վերահաստատում, ինչպէս նաեւ ընտրութիւններու օրակարգի սահմանում։
| All the contents on this site are copyrighted ©. |