Në përfundim të takimit të djeshëm në patriarkanën kopto ortodokse në Kajro, Papa Françesku e Patriarku Tawadros II shkuan së bashku në Kishën e shën Pjetrit, pranë Katedrales kopte të shën Markut, gjithnjë në Kajro, për lutjen ekumenike në praninë e krerëve të komuniteteve tjera të krishtera.
Në dalje nga Kisha, në treme, Papa bëri homazhe në vendin ku përkujtohen viktimat e atentatit vetëvrasës, bërë më 11 dhjetorin e kaluar nga një egjiptian i ri pjesëtar i Isis, që shkaktoi 29 të vdekur e 31 të plagosur në mesin e besimtarëve. Për të përkujtuar atentatin e shpreh afërsinë ndaj viktimave, Papa Françesku vuri një kurorë me lule dhe ndezi një qiri.
All the contents on this site are copyrighted ©. |