Papa Françesku viziton Benediktin XVI për t’i uruar Pashkët dhe 90-vjetorin

Papa Françesku shkoi, të mërkurën pasdite, në manastirin “Mater Ecclesiae”, në Vatikan, për t’i bërë, si çdo vit, urimet e Pashkëve Benediktit XVI. Njoftimin e dha Salla e Shtypit e Vatikanit. Me këtë rast vizita pati karakter të dyfishtë kremtor, sepse u përkujtua edhe 90-vjetori i lindjes së Papës së nderit, që bie më 16 prill, pikërisht ditën e Pashkëve.