Ֆրանչիսկոս Պապին շնորհաւորութիւնները Փորթուկալական '' Rádio Renascença''ի 80 ամեակին առթիւ։

(Ռատիօ Վատիկան) Երկուշաբթի 10 ապրիլ 2017-ին Ֆրանչիսկոս Սրբազան Քահանայապետը, Սուրբ Աթոռի Պետական քարտուղարութեան տեղակալ գերապայծառ Անճելօ Պեչչուի ստորագրութիւնը կրող պատգամ մը յղած է Փորթուկալական '' Rádio Renascença''ի  80 ամեայ գործունէութեան առթիւ ու յատկապէս անոր ''եղբայրական կարեկցութեան ի սպաս'' տածած աշխատանքին համար։

Քահանայապետը գնահատանք արտայայտած է Ռատիոյի անձնակազմին որ Փորթուկալական լայնածաւալ աշխարհին տարած է ''Յիսուսի Աւետարանը'' ու ''մարդկութեան սրտերուն մէջ սերմանած է եղբայրութեան փոխադարձ կարեկցութեան զգացումը եւ Աստուծոյ ողորմութիւնը''։

Նորին Սրբութիւնը Ռատիոն համարած է ''բացառիկ արուեստագէտ'' անոր անձնակազմին ապահովեցնելով աղօթքները` աւետարանական առաքելութեան պտղաբերութեան ի սպաս։

Ուղերձը կարդացած է  Փորթուկալի մօտ առաքելական նուիրակ` գերապայծառ Ռինօ Փասսիկաթոն '' Rinascimento Multimedia Group'' հաստատութեան կեդրոնին մէջ։