Ազրպէյճանական ԱՓԱ լրատու գործակալութիւնը կը հաղորդէ, որ Ազրպէյճանի մէջ Եւրոպական Միութեան դեսպան Մալենա Մարտ յայտարարած է, որ Լեռնային Ղարաբաղի տագնապի լուծման հարցին մէջ Եւրոպական Միութեան դիրոքորոշումը անփոփոխ է:
Ան ընդգծած է, որ Լեռնային Ղարաբաղի տագնապին մէջ գոյութիւն ունեցող սթաթիւս քոն անընդունելի է: «Մենք կ՛աջակցինք Մինսքի խմբակին եւ անոր ջանքերուն` ուղղուած ղարաբաղեան տագնապի լուծման: Եւրոպական Միութեան յատուկ ներկայացուցիչ Հերպերթ Սալպեր եւս կը զբաղի տուեալ տագնապի հարցով», նշած է ան:
All the contents on this site are copyrighted ©. |