Բրիտանիոյ վարչապետը գործարկեց «Պրեքզիթ»-ի ընթացակարգը

Բրիտանիոյ վարչապետ Թերեզա Մէյ ստորագրած է այն նամակը, որով Եւրոպական Միութեան իշխանութիւններուն կը ծանուցուի Եւրոպական Միութենէն դուրս գալու ընթացակարգի պաշտօնական գործարկման մասին: Այս մասին կը հաղորդէ «Ռոյթըրզ» լրատու գործակալութիւնը:

Ծանուցագիրը Բրիտանիոյ մնայուն ներկայացուցիչ Թիմ Պարոուի կողմէ Եւրոպական խորհուրդի նախագահ Տոնալտ Թուսքին յանձնուեցաւ:

Բրիտանիոյ իշխանութիւնները կ՛երաշխաւորեն երկրին մէջ ապրող Եւրոպական Միութեան քաղաքացիներու իրաւունքները:

Աւելի ուշ, Մէյ խորհրդարանին մէջ խօսք մը արտասանելով Պրիւքսէլի ծանուցման մասին իրազեկեց խորհրդարանին: