Երզնկայի մէջ Հայոց գերեզմաններ սրբապղծուած են
ՊՈԼԻՍ, «Մարմարա».- Երզնկայի մէջ, հող վարելու նպատակով, հողագործներ քանդած են հայկական
գերեզմաններ։ Արդարեւ, բնակիչներէն մէկը դաշտին մէջ նկատած է խաչքարեր ու մարդկային ոսկորներ,
ապա ահազանգած է պատկան մարմիններուն։ Մշակոյթի վարչութեան պետը նշած է, որ հարցին մասին
հետաքննութիւն կ՛իրականացուի։
Տեղացիները պատմած են, թէ այդ հատուածին մէջ հայերու եկեղեցի եւ գերեզմանատուն եղած է,
սակայն եկեղեցին քանդուած է եւ մնացած են միայն անոր հիմերը։ Իսկ հայկական գերեզմանատան
տարածքին մասին, ապա յայտնի դարձած է, որ անիկա պետական հողատարածք է, որ 49 տարուան
համար վարձակալութեան յանձնուած է՝ գիւղատնտեսական նպատակներով։
| All the contents on this site are copyrighted ©. |