2017-03-23 16:03:00

Папата ги охрабри напорите на фондацијата Мигрантес


Папата Фрањо за време на Генералната аудиенција одржана на 22 март 2017 година ја поттикна фондацијата Мигрантес во нивната работа за прифаќање на мигрантите и бегалците, истакнувајќи дека мигрантската и бегалската криза се „најголемата трагедија“ после Втората светска војна.

„Ве поттикнувам да продолжите со своите напори околу прифаќањето на мигрантите и бегалците, помагајќи им во нивната интеграција и земајќи ги во предвид правата и взаемните должности на оние кои прифаќаат, како и оние кои се прифатени,“ рече Папата на крајот од Генералната аудиенција.

Фондацијата Мигрантес е пасторално тело поврзано со Италијанската бискупска конференција и промовира пасторална грижа за мигрантите и бегалците кои пристигнуваат во Италија.

РВ/к.мк








All the contents on this site are copyrighted ©.