Programi i shtegtimit Papës në Fatima

Salla vatikanase e Shtypit botoi programin e shtegtimit apostolik të Papës në Fatima, nga 12 deri më 13 maj, me rastin e njëqindvjetorit të dukjeve të Virgjërës Mari në Cova da Iria.

Lutja e rruzares shenjte në kapelën e vogël të Dukjeve të Zojës së Bekuar dhe kremtimi i Meshës jashtë, do të jenë dy momentet kryesore të udhëtimit apostolik që Papa Françesku do të bëjë më 12 e 13 maj të ardhshëm në shenjtëroren e Zojës së bekuar në Fatima me rastin e qindvjetorit të dukjeve të Zojës tre barinjve të vegjël në Cova da Iria në Portugali.

Pra, Papa Françesku do të niset më 12 maj në orën 14.00 nga aeroporti i Fiumicinos e do të arrijë në bazën ajrore të Monte Real, në orën 16.20. Këtu do të takohet privatisht me presidentin e Republikës e, menjëherë pas, do të shkojë në Shenjtërore e Fàtima-s ku, në orën 18.15, do të vizitojë Kapelën e vogël të Dukjeve dhe do të gjunjëzohet në lutje. Më pas do kryesojë Rruzaren Shenjte.

Të nesërmen, më 13 maj, parashikohet takimi me kryeministrin e Portugalisë, ndërsa në orën 10.00, kremtimi Meshës me të sëmurët, në tremen e Shenjtërores së Zojës së Fatimës. Në orën 12.30, dreka  me ipeshkvijtë e Portugalisë e, në orën 15.00, nisja për Romë. Arritja në aeroportin romak të Ciampinos parashikohet për në orën 19.00. Prej këtu, rikthimi në Vatikan.