Մօտ ապագային երանելի կը հռչակուի Հայր Թիթօ Զեման ։

(Ռատիօ Վատիկան) Երկուշաբթի, 27 փետրուարին, Ֆրանչիսկոս Պապ ընդունեց Սուրբերու դատի ժողովի կառավարիչ՝ կարդինալ Անճելօ Ամաթոն։ Հանդիպումի  ընթացքին Սրբազան Հայրը   արտօնութիւն շնորհեց հրապարակելու նոր մէկ երանելիի եւ 7  Աստուծոյ ծառաներու ու աղախիններու հայող հրամանագիրերը ։

Մօտ  ապագային երանելի  պիտի հռչակուի Սլովաքցի Սալեզեան միաբանութեան  անդամ ՝Հայր  Թիթօ Զեման։Ան ծնած է Պրաթիսլավա քաղաք՝ 1915-ին ։ Հռոմի Գրիգորեան Քահանայապետական համալսարանին մէջ աւարտած է իմաստասիրական եւ Աստուածաբանական ուսումները։ 23 տարեկանին կատարած է մշտնջենական ուխտերը ապա 1940-ին ՝ 25 տարեկանին Իտալիոյ Թորինօ քաղաքին մէջ ձեռնադրուած է Քահանայ։  Ծննդավայր վերադարձին՝ 1950-ին, համայնավարութեան շրջանին, երբ երկրին մէջ   արգիլուած էր հաւատքի հրապարակային դաւանանքը, Հայր Զեման գաղտնի ճամբորդութիւններ կազմակերպելով ,  Թորինօ  քաղաք կը փոխադրէր Սալեզաեան երիտասարդները՝ շարունակելու համար իրենց քահանայական ուսումները։ 

Կազմակերպուած երրորդ ճամբորդութեան ընթացքին Հայր Զեման դժբախտաբար կը ձերբակալուի, հայրենիքի դաւաճան ու Վատիկանի լրտես մեղադրանքներով՝  ու մահուան պատիժի կ՝ենթարկուի։

Մահապատիժի գործողութենէն մէկ օր առաջ , համայնավար վարչակարգի  դատարանը  վերատեսելով Հայր Զեմանի յանցագործութեան  պատիժը­   զինք  25 տարի բանտարկութեան կ՛ենթարկէ։ 1964-ին , 12 տարի բանտարկութենէ ետք, հայր Զեման ազատ կ՛արձակուի սակայն առողջապահական վատ կացութեան պատճառաւ, իր մահկանացուն կը կնքէ  54 տարեկանին ։

''Նոյնիսկ եթէ մեռնէի, կեանքս ապարդիւն նկատած պիտի չըլլայի, գիտնալով, որ    օգնող անձերուս  միջեւ կար անձ մը որ իմ տեղս  քահանայ ձեռնադրուեցաւ''  գրած է Հայր Զեման

Աստուծոյ 7 ծառաներու հակիրճ կենսագրականը

Աստուծոյ ծառայ Թիթօ Զեմանի մարտիրոսութաեան հրամանագիրը ։ Ան ծնած է 4 յունուար 1915-ին եւ  քրիստոնէական հաւատքին համար  սպաննուած է 8 յունուար 1969-ին ։

Աստուծոյ ծառայ՝ Օթթավիօ Օրթիզ Արրիեթայի  մարտիրոսական առաքինութիւնը։ Ան ծնած է 19 ապրիլ 1879-ին։ Եղած է՝՝ Սան Ճովանիի Սալեզեաններու՝՝ միաբանութեան անդամ, օծուած է Եպիսկոպոս  ապա վախճանած է 1 մարտ 1958-ին։    

Աստուծոյ ծառայ Անթոնիօ Փրովոլոյի մարտիրոսական առաքինութիւնը։ Ան ծնած է 17 փետրուար 1801-ին։ Հիմնադիրը եղած  խուլ եւ համրերու  ՝՝ Սրբուհի Մարիամ՝՝ Միաբանութեան  ապա վախճանած է 4 նոյեմբեր 1842-ին ։

Աստուծոյ ծառայ Անթոնիօ Մարթինեզ Տէ Օրպէի մարտիրոսական առաքինութիւնը։

Յիսուսեան միաբանութեան անդամ կղերականը ծնած է 8 փետրուար 1856-ին եւ վախճանած ՝ 27 յուլիս 1929-ին ։ Ան հիմամնած է մայրապետներու  ՝՝Աստուածային  հովիւ՝՝ միաբանութիւնը։

Աստուծոյ աղախին Մարիա Տելլա Քապեզան Թերրերոյի մարտիրոսական առաքինութիւնը։ Ան ծնած է 19 դեկտեմբեր 1911-ին, եղած է հիմնադրուհին ՝՝Սիրտ Յիսուսի միսիոնարական բանուորուհիներուն կրօնային հաստատութիւնը եւ վախճանած է 30 սեպտեմբեր 1993-ին ։   

Աւազանի անունով Մարիա Ռիափամոնիթի, Աստուծոյ աղախին Լուչիա Տելլ Իմմաքոլթայի մարտիրոսական առաքինութիւնը։ Ան ծնած է 26 մայիս 1909-ին։ Եղած է անդամ  ՝՝Անչելլէ Տելլա Քարիթա միաբանութեան՝՝ եւ վախճանած է 4 յուլիս 1954-ին։

Աշխարհական՝ Աստուծոյ ծառայ Հերրերօ Ռուպիոյի մարտիրոսական առաքինութիւնը։  Ան ծնած է 29 ապրիլ 1904-ին եւ մահացած է 5 նոյեմբեր 1978-ին։

Ընտանիքի հայր , Աստուծոյ ծառայ Վիթթորիօ Թրանքանելլիի մարտիրոսական առաքինութիւնը ։ Ան ծնած է 26 ապրիլ  1944-ին եւ մահացած է 24 յունիս 1998-ին։