E diel më 26 shkurt, Kisha katolike kremton të Dielën VIII gjatë vitit liturgjik, e gjithnjë më 26 shkurt kalendari përkujton edhe shën Aleksandrin e Aleksandrisë e shën Fuastinianin, ipeshkëv. Ungjilli i kësaj së diele nga Mateu na paraqet imazhin e Zotit si Atë, që kujdesët për ne e na përcjell nga afër me dashuri. Liturgjia e Fjalës së Zotit na fton të mendojmë mbi disa çështje themelore të jetës së krishterë. Të mbështetemi në Zotin e jo në të mirat tokësore.
Të hënën më 27 shkurt, kalendari kishtar përkujton shën Gabrielin e Zojës së Dhimshme, rregulltar pasionist.
Të martën më 28 shkurt, kalendari kishtar përkujton shën Romano-n, abat e shën Ilarin, papë.
Të mërkurën e ardhshme më 1 mars bie e Mërkura e Përhime, me të cilën Kisha katolike fillon kohën liturgjike të Krezhmëve, kohën e përgatitjes shpirtërore për kremtimin e Pashkëve. Krezhmët, janë kohë e madhe shpirtërore, që u krijon të krishterëve kushtet të ushtrohen në pendesë e në solidaritet me të varfërit, për të zbuluar kështu se ky është gëzimi i vërtetë i jetës. Krezhmët janë periudhë e reflektimit, lutjes dhe agjërimit nga materializmi. Krezhmët, mund të na ndihmojnë, të zbulomë se gëzimi që mbush përplot zemrën, mund të gjendet vetëm duke besuar thellësisht në Zotin e duke ndihmuar të varfërit.
Gjithnjë të mërkurën më 1 mars, kalendari kishtar përkujton shën Feliksin III, papër e shën Albinin, ipeshkëv.
Të enjten më 2 mars, kalendari kishtar përkujton shën Angjelën e Kryqit, virgjër; shën Troadin.
Të premten më 3 mars, kalendari kishtar përkujton shën Kunegunden, gruan e shën Henrikut III, perandor.
Të shtunën më 4 mars, kalendari kishtar përkujton shën Kazimirin, pajtorin qiellor të Lituanisë; të Lumin Umberto-n III nga Savoia.
Të dielën e ardhshme më 5 mars, Kisha katolike do të kremtojë të Dielën I të kohës së Krezhmëve, e gjith një më 5 mars, kalendari përkujton edhe shën Luçianin I, papë; shën Adrianin, martir; shën Gjon Jozefin e Kryqin, meshtar françeskan.
All the contents on this site are copyrighted ©. |