Ֆրանչիսկոս Պապ պիտի այցելէ Հռոմի ''Roma Tre'' համալսարանը:

(Ռատիօ Վատիկան) Սուրբ Աթոռի մամլոյ գրասենեակի յայտարարութեամբ յառաջիկայ ուրբաթ 17 փետրուարի` առաւօտեան 10-էն մինչեւ կէսօր, Ֆրանչիսկոս Սրբազան Քահանայապետը այցելութիւն պիտի տայ Հռոմի ''Roma Tre'' համալսարանական համալիրին­, ու համալսարանի կեդրոնական դահլիճին մէջ հանդիպում պիտի ունենայ համալսարանի անձնակազմին ու աշակերտութեանց հետ։

Հովուական սոյն այցելութեան կարելի պիտի ըլլայ հետեւիլ ուղիղ եթերով` Վատիկանի հեռուստակայանի միջոցաւ կամ ցանցային հետեւեալ հասցէի վրայ http://streaming.uniroma3.it