Papa Françesku ngarkoi imzot Henryk Hoser, kryeipeshkëv-ipeshkëv i Warszawa-Pragës (Poloni), të shkojë në Medjugorje si i Dërguar i Posaçëm i Selisë së Shenjtë. Njoftimin e jep Salla vatikanase e Shtypit. Misioni ka për qëllim ta njohë më thellë situatën baritore të këtij realiteti, sidomos, atë të kërkesave të besimtarëve, që shtegtojnë në Shenjtërore. Mbi këtë bazë, pastaj, të japë këshillat e nevojshme për nismat baritore të së ardhmes. Do të ketë, prandaj, karakter plotësisht baritor.
Parashikohet që imzot Hoser, i cili do ta vijojë detyrën e tij si kryeipeshkëv-ipeshkëv i Warszawa-Pragës, ta kryejë mandatin brenda verës së ardhshme.
All the contents on this site are copyrighted ©. |