பாசமுள்ள பார்வையில்... தாய்மையை நீ தேர்ந்தெடுக்கிறாய்

அன்னையரைப் பற்றி சில அழகிய எண்ணங்கள்...

முழுமையான, கலப்படமற்ற உண்மைகளைச் சொல்வதற்குத் தகுந்தவர்கள் அன்னையர் மட்டுமே - Margaret Dilloway

என் அன்னை வெளிப்புறத்தில் மென்மையாகவும், உள்ளுக்குள், வைரம் பாய்ந்த உறுதியோடும் இருப்பவர். நான் வளர்ந்தபின், என் அன்னையைப்போல இருக்க விழைகிறேன் - Jodi Picoult

தாய்மை என்பது, நீ தினமும் தேர்ந்தெடுக்கக் கூடிய பண்பு... உன்னுடைய மகிழ்வுக்கு முன்னதாக மற்றவரின் மகிழ்வை நீ வைக்கும்போது, கடினமான பாடங்களைச் சொல்லித்தரும்போது, நீ செய்வது சரியானதா என்று தெளிவாகத் தெரியாதபோதும், சரியானதைச் செய்ய விரும்பும்போது, மீண்டும், மீண்டும் உன்னையே நீ மன்னித்துக்கொள்ளும்போது, தாய்மையை நீ தேர்ந்தெடுக்கிறாய் - Donna Ball

ஆதாரம் : வத்திக்கான் வானொலி