Քիարա Լուպիխի ՝՝ հաղորդութեան տնտեսականութիւն՝՝ բարեսիրական ծրագիրը

(Ռատիօ Վատիկան) Շաբաթ, 4 փետրուարին, Ֆրանչիսկոս Սրբազան Քահանայապետ Վատիկանի մէջ ընդունեց Ֆոքոլարինի եկեղեցական շարժումի ՝՝Հաղորդութեան տնտեսականութիւն՝՝ ծրագրին 49 երկիրներէն ժամանած ներկայացուցիչներ։

Յիշեալ մարդասիրական ծրագիրը ի յայտ եկած է 1991-ին, ի տես Պրազիլի Սան Փաուլօ քաղաքին  մէջ` ''Ֆաւելաս -  աղքատներու բնակավայրեր''ու իրավիճակին ու այդ իրականութենէն յառաջացած  գայթակղութեան բերումով։

Այն օրերուն,  Ֆոքոլարաինի շարժումի հիմնադրուհի Քիարա Լուպիխ,  իր շուրջը հաւաքեց խումբ մը գործատէրեր եւ անոնցմէ խնդրեց որ հիմնեն նոր գործարարններ, եւ յարգելով ժամանակուան  շուկայական  օրէնքները, միատեղ հաւաքեն գործարաններու   շահերը։  Քիարա Լուպիխի ծրագրին նպատակն է օգնել աղքատներուն, ստեղծելով աշխատանքի հնարաորութիւններ ու զարգացնելով ''նուիրելու'' մշակոյթը։

Յիշեալ բարեսիրական ծրագրէն  անցան 25 տարիներ,  շաբաթ, 4 փետրուարին, Ֆրանչիսկոս Պապ, Վատիկանի Պօղոս Զ անուան դահլիճին մէջ ընդունեց  Քիարի Լուպիխի Հաղորդութեան տնտեսականութեան 1100 դերակատարները, որոնց մեծամասնութիւնը գործակալներ են,  եւ որոնք , հաղորդութիւնը  ընտրած  են որպէս  կեանքի ապրելակերպ։