Թուրքիոյ հայ համայնքը վրդովուած է, որ նախագահ Ռեճեփ Թայիփ Էրտողանը Հայոց պատրիարքի ընտրութիւնը կապած է սահամանադրական փոփոխութիւններու հանրաքուէին հետ: Վերջերս հայկական Սուրբ Փրկիչ հիւանդանոցի հիմնադրամի նախագահ Պետրոս Շիրինօղլուն հանդիպած էր Էրտողանի հետ: Հանդիպման ժամանակ քննարկուած է նաեւ հայոց պատրիարքի ընտրութեան հարցը: Էրտողանը յայտնած էր, որ պատրիարքի եւ համայնքի հիմնադրամներու ընտրութիւններով պիտի զբաղին հանրաքուէն աւարտելէն ետք:
Հայկական «Ակօս» շաբաթաթերթը արձագանգած է այդ յայտարարութեան` դժգոհելով որ բաւական չէ հայկական համայնքին անորոշ ժամանակ կը պարտարդրեն, հիմա ալ հարցը ամբողջութեամբ կը ձգեն Էրտողանի հայեցողութեան:
Համայնքի ներկայացուցիչներէն Թադէոս Պեպեքը՝ դժգոհելով Շիրինօղլուի եւ Էրտողանի հանդիպումէն, նշած է,- «Մինչ կը սպասէինք, որ Սթամպուլի նահանգապետարանէն հանդիպման հրաւէր պիտի գայ ընտրութեան իրականացման դիմումը ներկայցնելու համար, ի յայտ եկաւ հանրաքուէն: Անընդհատ պատուրակներ կու տան, եւ ընտրութիւնները ոչ մէկ կերպ կ՝իրականացուին: Դեռ աւելին, հիմա ալ գործընթացի մէջ ներգրաւուեցաւ նախագահը: Հարցը շեղելու համար եւս մէկ հիանալի պատրուակ»:
Յիշեցնենք, որ օրերս համայանքի ներկայացուցիչներէն Պետրոս Շիրինօղլուն հանդիպած էր նախագահ Էրտողանի հետ: Հանդիպումը տեղի ունեցած էր պոլսահայ պատգամաւոր Կարօ Փայլանի խորհրդարանին մէջ յայտնի ելոյթէն ետք, երբ վերջինս՝ Հայոց Ցեղասպանութիւն արտայայտութեան համար պատժել էին` հեռացնելով խորհրդարանի 3 նիստէ: Շիրինօղլուն Էրտողանին յայտնած էր, թէ հայ համայնքի 99 տոկոսը չի կիսեր Փայլանի տեսակէտները: Իսկ պատրիարքի ընտրութեան հարցի քննարկման ժամանակ՝ Էրտողանը ըսած էր, որ ընտրութիւններու ուշացումը հայ համայանքին թերացումն է: Ան նաեւ նշած էր, որ ընտրութիւններով պիտի հետաքրքրուին հանրաքուէէն ետք, որ կը նախատեսուի իրականացնել Ապրիլին
All the contents on this site are copyrighted ©. |