Արեւելեան Ուքրանիոյ մէջ բախումներու պատճառով կ՛արձանագրուին բազմաթիւ զոհեր ու վիրաւորներ
Ուքրանիոյ արեւելքը գտնուող Տոնպասի մէջ ուքրանական բանակին եւ Ժողովրդային պաշտպանութեան ուժերուն միջեւ բախումներու վերսկսումին պատճառով արձանագրուեցան բազմաթիւ զոհեր եւ վիրաւորներ:
Ուքրանիոյ նախագահ Փիոթր Փորոշենքօ ընդհատեց Գերմանիա իր այցելութիւնը եւ վերադարձաւ իր երկիրը: Պիելոռուսիոյ արտաքին գործոց նախարարութիւնը իր կարգին Ուքրանիոյ հարցի լուծման Մինսքի խմբակի աշխատանքային խմբակները այսօր հրաւիրեց անմիջական ժողովի:
«ՌԻԱ Նովոսթի», վկայակոչելով Տոնեցքի ժողովրդային հանրապետութեան պաշտպանութեան նախարարութիւնը, հաղորդեց, որ վերջին երկու օրերուն ընթացքին Տոնեցքի մէջ բախումներուն պատճառով ուքրանացի 80 զինուորներ զոհուած են եւ 70 ուրիշներ վիրաւորուած:
Ռուսական «Աստղ» պատկերասփիւռի կայանը իր կարգին վկայակոչելով Քրեմլինը հաղորդեց, որ ժողովրդային պաշտպանութեան ուժերը «վերատիրացած են Տոնեցքի մէջ Աւտէյեւքա քաղաքին» եւ Մարիոփոլի մօտ ետ մղած ուքրանական բանակի յարձակումը:
Ռուսիոյ նախագահի բանբեր Տմիթրի Փեսքով յայտնեց, որ Տոնպասի դէմ յարձակումը «Մինսքի համաձայնութիւնը գործադրելու Քիեւի չկամութիւնը ցոյց կու տայ»:
| All the contents on this site are copyrighted ©. |