Հայաստանի բնակչութեան թիւը նուազած է 0.4 տոկոսով

2017-ի Յունուար 1-ի դրութեամբ Հայաստանի մնայուն բնակչութիւնը կազմած է 2,986,500 հոգի:Ազգային վիճակագրական ծառայութեան համաձայն՝ երկրի քաղաքային բնակչութիւնը կազմած է 1,901,700 անձ, իսկ գիւղականը՝ 1,084,800 հոգի:
2016-ի 1 Յունուարի դրութեամբ Հայաստանի մնայուն բնակչութեան թիւը եղած էր 2,998,600 մարդ, Յուլիս 1-ի դրութեամբ՝ 2,995,100 անձ:
Այսպիսով, մէկ տարուան ընթացքին Հայաստանի բնակչութիւնը նուազած է 12,100-ով կամ 0.4 տոկոսով, կէս տարուան ընթացքին՝ 8600-ով կամ 0.28 տոկոսով: 2015-ին  Հայաստանի մնայուն բնակչութիւնը նուազած էր 12,000-ով կամ 0.4 տոկոսով: