Ամերիկայի հայ աւետարանչական ընկերակցութեան Հայաստանի մասնաճիւղը, զոհուած զինծառայողներու ընտանիքներուն օժանդակելու նպատակով, համագործակցելով ՀՀ պաշտպանութեան նախարարութեան հետ, որոշում մը կայացուցած է 18 զոհուած զինծառայողի ընտանիքի տրամադրել օգնութիւն եւ աջակցիլ բնակարաններու վերանորոգման հարցով:
Բարեգործութեան հասցէները կ’ընդգրկեն Երեւանն ու մարզերը: Վերանորոգման ընդհանուր արժէքը կը կազմէ 29 մլն դրամ, կը յայտնէ պաշտպանութեան նախարարութեան մամուլի ծառայութիւնը:
Գումարին միջոցով, ըստ անհրաժեշտութեան, պիտի նորոգուին բնակարաններու տանիքները, փոխուին դռներն ու պատուհանները, պիտի իրականացուին ջեռուցման եւ սանհանգոյցի յարդարման աշխատանքներ:
All the contents on this site are copyrighted ©. |