ഒരു സ്നേഹവിപ്ലവത്തിനു ഒരുക്കുന്നതിനു തക്കവിധത്തില് നവസുവിശേഷവത്ക്കരണത്തിനു വേണ്ടിയുള്ള പൊന്തിഫിക്കല് കൗണ്സിലിന്റെ അനുമതിയോടെ, ഓസ്ര്ടിയന് ബിഷപ്സ് കോണ്ഫറന്സ് തയ്യാറാക്കി പ്രസിദ്ധീകരിച്ച ഡുക്യാറ്റ് എന്ന ഗ്രന്ഥത്തിന് ഫ്രാന്സീസ് പാപ്പാ നല്കിയിരിക്കുന്ന അവതാരിക, പാപ്പായുടെ പതിവുപ്രബോധനങ്ങളെന്നപോലെ, ഊഷ്മളതയും ഉയിരും പ്രകടമാക്കുന്ന ഒന്നാണെന്നു കഴിഞ്ഞ ദിവസം നിരീക്ഷിച്ചതാണ്. ആദ്യഭാഗത്ത് എന്താണ് പാപ്പാ പറഞ്ഞിരിക്കുന്നതെന്തെന്ന് ചുരുങ്ങിയ വാക്കുകളില് അനുസ്മരി ച്ചുകൊണ്ട് ഈ ആമുഖത്തിന്റെ രണ്ടാം ഭാഗത്തിലേക്കു നമുക്കു കടക്കാം.
അവതാരികയുടെ ആദ്യഖണ്ഡികയില് ഈ ഗ്രന്ഥം യുവജനങ്ങള്ക്കു സമര്പ്പിച്ച ശേഷം ഡുക്യാറ്റ് എ ന്ന ഗ്രന്ഥശീര്ഷകം വിശദീകരിക്കുകയാണ് പാപ്പാ. 'എന്താണ് ചെയ്യേണ്ടത്?' എന്നാണ് ഗ്രന്ഥശീര്ഷകം തന്നെ നമ്മോടു ചോദിക്കുന്നത്. അതുകൊണ്ട്, എന്താണ് ചെയ്യേണ്ടതെന്നു ആദ്യംതന്നെ വിശുദ്ധഗ്രന്ഥവും വിശുദ്ധരുടെ ജീവിതവും നിരീക്ഷിച്ചുകൊണ്ട് യുക്തിസഹമായ ഉദ്ബോധനം പാപ്പാ നല്കുന്നു.
ഈ ചെറിയവരില് ഒരുവനു നിങ്ങള് ചെയ്തതെല്ലാം നിങ്ങള് എനിക്കുതന്നെയാണ് ചെയ്തത് എന്ന വി. ഗ്രന്ഥവചനത്താല് അനേകം വിശുദ്ധര് ചലിപ്പിക്കപ്പെട്ടിട്ടുണ്ട്. ഈ വാക്കുകളാല് വി. ഫ്രാന്സീസ് അസ്സീസ്സി തന്റെ ജീവിതത്തിനു മുഴുവന് മാറ്റം വരുത്തി. വി. മദര്തെരേസയുടെ പ്രേഷിതവഴിയില് ഈ വചനമുണ്ടായിരുന്നു. വി. ചാള്സ് ദ് ഫുക്കോ ഇപ്രകാരം അംഗീകരിച്ചു പറയുന്നു: സു വിശേഷംമുഴുവന് നോക്കിയാല്, എന്നെ ഇത്രമേല് അഗാധമായി സ്വാധീനിച്ചതും എന്റെ ജീവിതത്തെ പരിവര്ത്തിതമാക്കിയതുമായ മറ്റൊരു വാക്യം ഇല്ല. നാം ചെയ്യേണ്ടതെന്ത് എന്ന ശീര്ഷകത്തിനു ത്തരം ഇവിടെയാണ്. ഈ ചെറിയവര്ക്കു ശുശ്രൂഷ ചെയ്യുക.
ഇതുറപ്പിച്ചു പറഞ്ഞശേഷം യുവജനങ്ങളെ വീണ്ടും സംബോധന ചെയ്തുകൊണ്ട് മേല്പ്പറഞ്ഞ സുവിശേഷവാക്യത്താല് ഹൃദയപരിവര്ത്തനം ഉണ്ടാകണമെന്നു തന്നെ പാപ്പാ ഉദ്ബോധിപ്പിക്കുന്നു. ഹൃദയപരിവര്ത്തനംകൊണ്ടു മാത്രമേ, ഭീകരതയും അക്രമവും നിറഞ്ഞ ഈലോകത്തെ കൂടുതല് മാനുഷികമാക്കാന് കഴിയൂ. അതര്ഥമാക്കുന്നത്, ക്ഷമ, നീതി, വിവേകം, സംവാദം, സമഗ്രത എന്നിവയും ദുരന്തത്തിനിരകളായവരോട്, ആവശ്യത്തിലിരിക്കുന്നവരോട്, ഏറ്റവും ദരിദ്രരായവരോട് ഉള്ള ഐക്യ ദാര്ഢ്യം, അതിരില്ലാത്ത സമര്പ്പണം, അപരനുവേണ്ടി മരണംവരെ പോലുമുള്ള സ്നേഹം എന്നിവയുമാണത്.
വ്യാവസായികവിപ്ലവത്തിന്റെ കാലത്ത് തൊഴിലാളികളെക്കുറിച്ച് ചിന്തിക്കുന്നതിന് സമയംകണ്ടെത്തി യ പതിമൂന്നാം ലെയോ മാര്പ്പാപ്പാ, 1891-ല് റേരും നൊവാരും, 'മൂലധനത്തെയും തൊഴിലിനെയും കുറിച്ച്' എന്ന ചാക്രികലേഖനം ലോകത്തിനു മുമ്പില് സമര്പ്പിച്ചു. തുടര്ന്നും സഭ സാമൂഹിക പ്രബോധനങ്ങള് നല്കുന്നതിന് ഉത്സാഹിച്ചിരുന്നുവെന്നും സഭയുടെ സാമൂഹികപ്രബോധനങ്ങള്ക്ക് അനേകരെ സഹായിക്കാന് കഴിവുണ്ട് എന്നും പാപ്പാ വ്യക്തമാക്കുകയാണ്. തൊഴിലാളികളെ പ്രത്യേകമായി കരുതുന്ന ഫ്രാന്സീസ് പാപ്പാ, ആ ചാക്രികലേഖനത്തില് നിന്നുദ്ധരിക്കുന്നതിതാണ്: ആര്ക്കാണെങ്കിലും ന്യായമായ കൂലി നിഷേധിക്കുകയെന്നത് സ്വര്ഗത്തോടു പ്രതികാരത്തിനായി കേഴുന്ന ഒരു പാതകമാണ്. (റേരും നൊവാരും, 17). അതെ, സഭ, അവളുടെ പൂര്ണാധികാരത്തോടെ, തൊഴിലാളികളുടെ ന്യായമായ അവകാശങ്ങള്ക്കുവേണ്ടി പൊരുതുന്നു. ഈ ആമുഖത്തിന്റെ തുടര്ന്നുള്ള ഭാഗം നാലു ഖണ്ഡികകളിലാണ്. ഇന്ന് അവ നമുക്കു ശ്രവിക്കാം.
ആദ്യഖണ്ഡികയില് സഭ സാമൂഹികപ്രബോധനങ്ങള് നല്കുന്നതില് തുടര്ന്നും ഉത്സുകയായിരുന്നുവെന്നും, കാലഘട്ടത്തിന്റെ ആവശ്യങ്ങളെ കണക്കിലെടുത്തുകൊണ്ട് പൂര്വാധികം സമ്പന്നമായ പഠനങ്ങള് നല്കുന്നുവെന്നും പറയുന്നു. മാനവികതയെ, അതിന്റെ അടിസ്ഥാനതത്വങ്ങളെ ചര്ച്ച ചെയ്യുന്ന ഈ പ്രബോധനങ്ങളാണ് ഡുക്യാറ്റിലും വിശദീകരിച്ചിരിക്കുന്നത്. സത്യത്തില് ഈ ഉദ്ബോധനങ്ങള് ക്രിസ്തുവിന്റേതാണ് എന്ന് പാപ്പാ പറയുന്നു. നമുക്ക് പാപ്പായുടെ വാക്കുകളില്ത്തന്നെ ഇക്കാര്യം കേള്ക്കാം.
തുടര്ന്നുള്ള ഖണ്ഡികയില് ഇന്നത്തെ സാമ്പത്തികവിതരണത്തെക്കുറിച്ചുള്ള കണക്കുകള് നിരത്തിക്കൊണ്ട് നമ്മുടെ ലോകത്തിലെ അനീതിയെക്കുറിച്ച് ചിന്തിക്കാനുള്ള പ്രേരണ നല്കുകയാണ്. എവാഞ്ചെലീ ഗാവുദിയും എന്ന അപ്പസ്തോലികാഹ്വാനത്തില് നല്കിയിരിക്കുന്ന പാപ്പായുടെ നിരീക്ഷണം ഇവിടെ നല്കിക്കൊണ്ടാണതു ചെയ്യുന്നത്. ഈ വ്യവസ്ഥിതിയില്, ദൈവതുല്യമായ ഒരു ക മ്പോളത്തിന്റെ താല്പര്യത്തിനുമുമ്പില്, പരിസ്ഥിതിപോലെ ദുര്ബലമായ ഒന്നിനും പ്രതിരോധശേഷിയില്ല എന്ന പാപ്പായുടെ നിരീക്ഷണം ഒരിക്കല്ക്കൂടി, ഇവിടെ ഈ ഖണ്ഡികയില് പാപ്പാ പറയാതെ പറയുന്നുണ്ട്.
അവസാനഖണ്ഡികകളില് ഡുക്യാറ്റിനെക്കുറിച്ചുള്ള പാപ്പായുടെ സ്വപ്നത്തെക്കുറിച്ചാണത്. എങ്ങനെ അതിലെ ഉദ്ബോധനങ്ങള് ശ്രദ്ധിക്കപ്പെടുകയും പ്രായോഗികമാക്കുകയും ചെയ്യണം, എപ്രകാരമുള്ള ഫലങ്ങളുളവാക്കണം എന്നിവയെക്കുറിച്ചുള്ള പാപ്പായുടെ സ്വപ്നമാണത്. ദൈവത്തിന്റെ വഴി കൂടുതല് പ്രകാശിപ്പിക്കുന്നതിനുള്ള ടോര്ച്ചായി ക്രിസ്തീയ യുവതയും ജനംമുഴുവനും മാറുമെന്ന സ്വപ്നമാണത്. തുടര്ന്നുവരുന്ന ഖണ്ഡികകള് ശ്രവിക്കാം.
തുടര്ന്ന് ഈ ഗ്രന്ഥം യുവജനങ്ങള്ക്കായി സമര്പ്പിച്ചുകൊണ്ട് പാപ്പാ ഈ അവതാരിക ഉപസംഹരിക്കുന്നത് ഇങ്ങനെയാണ്:
All the contents on this site are copyrighted ©. |