Працягнуты паўнамоцтвы дырэктара шпіталя “Дзіцятка Езуса”

Апостальская Сталіца працягнула паўнамоцтвы спадарыні Марыэлы Энок на пасадзе дырэктара ватыканскага педыятрычнага шпіталя “Дзіцятка Езуса” (Ospedale pediatrico Bambino Gesu). Аб гэтым гаворыцца ў афіцыйным лісце скіраваным 30 снежня 2016 г. кардыналам Дзяржсакратаром Пьетра Паралінам.

“Спаўняючы паўнамоцтвы, прадастаўленыя мне Святым Айцом Францішкам, я працягваю Ваш мандат на пасадзе старшыні кіраўнічай рады педыятрычнага шпіталя “Дзіцятка Езуса” на наступны чатырохгадовы тэрмін: з 1 студзеня 2017 г. па 31 снежня 2020 г.”, - напісаў пурпурат.

Бліжэйшы супрацоўнік Пантыфіка ад імя ўсёй Апостальскай Сталіцы выказаў пашану і глыбокую і сардэчную ўдзячнасць спадарыні Энок за кампетэнтнасць, прафесійнайсць, вялікую самааданнасцю і ахвярнасць, з якімі яна здзейсняе служэнне на карысць шпіталя на працягу апошніх двух гадоў, спрыяючы яго абнаўленню, больш “дабрадзейнаму” функцыянаванню і асабліва спаўненню яго місіі служэння хворым дзецям і іх сем’яў. 

Спадарыня Марыэла Энок нарадзілася ў 1944 г. у Навары, на поўначы Італіі. Пасля атрымання медыцынскай адукацыі працавала ў сферы кіравання структурамі аховы здароўя. У лютым 2015 г. яна была прызначана старшынёй кіраўнічай рады шпіталя “Дзіцятка Езуса”. Праз некалькі месяцаў пасля гэтага папа Францішак прыняў яе на аўдыенцыі. 

Шпіталь “Дзіцятка Езуса” быў заснаваны ў 1869 г. для лячэння бедных дзяцей у Рыме. Гэта была першая дзіцячая клініка ў Італіі. У 1924 г. яна была перададзена пад кіраўніцтва Святога Пасаду і ў цяперашні час знаходзіцца пад асабістым патранатам Папы. 
Бальніца з’яўляецца вядучай педыятрычнай установай Італіі і адным з лепшых цэнтраў дзіцячай транспланталогіі ў Еўропе. Штогадова тут здзейсняюцца некалькі сотняў аперацый па перасадцы органаў, аказваецца неадкладная дапамога дзесяткам тысяч пачыентам. У 2015 г. амбулаторнай абследаванне ў шпіталі прайшлі 1,6 млн. дзяцей з розных краін свету.

Клініка з’яўляецца таксама аўтарытэтным навуковым цэнтрам. Яна займае першае месца сярод італьянскіх педыятрычных шпіталёў па ўзроўні імпакт-фактара, велічыны, якая вымярае “вагу” навуковых публікацый.